Plantun de Prouvènço

Pèr coumpara dos planto d'encò nostre

Asperugo procumbens & Epilobium brachycarpum

Rapeguiéu

Asperugo procumbens

Boraginaceae

Àutri noum : Rapego-man, Rapequiéu.

Noms en français : Râpette, Portefeuille.

Descripcioun :
Lou rapeguiéu (noum generi), trachis dins lis escoumbre e li cast de fedo. Es uno planto ramificado cuberto de péu à crouchet sus li cambo coume li fueio. Li flour, pichouneto, soun d'un blu que tiro sus lou vióulet. Se recounèis subretout emé si fru en boursoun plat e denta ("calice" acreissènt) - vèire li fotò.

Usanço :
Li jóuini fueio soun manjadisso cuecho. Proche dóu bourrage, pèr d'ùni, n'en a li mémis usanço : es uno planto bono contro lou tussi e lou raumas. Lis estùdi d'aro monstron d'ùni prouprieta anti-bateriano e sedativo.

Port : Erbo
Taio : 10 à 60 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Asperugo
Famiho : Boraginaceae

Coulour de la flour : Bluio
Petalo : 5
Ø (o loungour) flour : 3 mm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Abriéu à avoust

Liò : Escoumbre e proche dis oustau - Cast
Estànci : Mesoumediterran à Subaupen
Couroulougi : Paleoutemperado
Ref. sc. : Asperugo procumbens L., 1753

Epilobo(-d'autouno)

Epilobium brachycarpum

Onagraceae

Nom en français : Épilobe d'automne.

Descripcioun :
Aquesto grando epilobo nous vèn d'Americo dóu nord desempièi pas gaire de tèms (2016 au nostre). Es uno planto de l'an proun ramificado que trachis dins lis armas e proche dis oustau. Li petalo, di dos partido fan de 5 à 8 mm e li boursèu de 10 à 20 mm. Sèmblo que s'espandis rapidamen.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 50 à 200 cm
Fueio : verticilado
Tipe bioulougico : Teroufite
Cicle bioulougico : Planto de l'an

Gènre : Epilobium
Famiho : Onagraceae

Ordre : Myrtales

Coulour de la flour : Roso
Petalo : 4
Ø (o loungour) flour : 0,6 à 14 mm
Flourido : Estiéu - Autouno

Sòu : Ca
Autour basso e auto : 0 à 600 m
Aparado : Noun
Remarco : Planto envahissènto
Setèmbre à Óutobre

Liò : Ermas - Escoumbre e proche dis oustau
Estànci : Termoumediterran à Mesoumediterran
Couroulougi : Óurigino Americo-Nord
Ref. sc. : Epilobium brachycarpum C.Presl, 1831

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Asperugo procumbens & Epilobium brachycarpum

ges

Coumpara Rapeguiéu emé uno autro planto

Coumpara Epilobo(-d'autouno) emé uno autro planto